Hayโadda Qaramada Midoobay u qaabbilsan Qaxootiga ee UNHCR ayaa sheegtay in 26,819 oo Qaxooti Soomaaliyeed ah la xaqiijiyay in ay doonayaan in si iskood ah ay ugu laabtaan Dalkooda Hooyo.
Qaramada midoobay Laanteeda Qaxootiga ayaa war bixin Bileedkeedii ay soo saartay Shalay oo Axad ahayd ,waxay ku sheegtay, in 2,525 ay dib u laabteen si madax bannaan, markii laga caawiyay socdaalkooda inta u dhaxaysay 16-ka illaa 30-kiiย September, kuwaasoo ku safray xagga Dhulka iyo Cirka.
Related posts
UNHCR, ayaa sidoo kale sheegtay , laga soo billaabo 8-dii December 2014 illaa 30-kiiย September ee Sanadkan inay Guryo noqdeenย 32,949 Qaxooti Soomaaliyeed ah, markii laga Gacan qabtay wadiiqadii ay ku gaari lahaayeen halkii ay ka yimmaaddeen dhowr iyo Labaatan Sana ka hor.
War-bixintan Qaramada midoobay ayaa immanaysa xilli ay qaar ka mid ah hayโadaha samafalku walaac xooggan ka muujinayaan soo laabashada Dadka Soomaaliyeed ee Qaxootiga ku ahaa muddada dheer Xeryaha Dhadhaab ee dalka Kenya.
SONNA/News
