Guddiga maamulka doorashada Koofur Galbeed ayaa maanta magaalada Baydhabo ku qabanaya doorashada lix kursi oo kamid ah Golaha Shacabka.
Lixdaas kursi waxaa ku soo baxay Aadan Maxamed Cali oo ku guuleystay kursiga tirsigiisu yahay HOP253, isagoo heley 70 cod halka murashaxii la tartamayay oo ahaa Cabduqaadir Ibraahim Buulle uu keensaday 21 cod, iyadoo tirada guud ee ergada doorashada aheyd 92 qof.
Cabdulaahi Maxamed Cali waxaa ku guuleystay kursiga tirsigiisu yahay HOP178 ee Golaha Shacabka, isagoo heley 70 cod halka murashaxii la tartamayay oo ahaa Bille Xasan Cabdi uu uruursaday codad gaaraya 25 cod.
Axmed Sheekh Maxamed oo loo yaqaano Mashruuc ayaa ku guuleystay kursiga tirsigiisu yahay HOP050, waxaa uu heley 80 cod oo kamid ah 97 ergo oo codkooda dhiibtay murashaxii la tartamayay oo ahaa Maxamed Ibraahim Aadan ayaa heley 14 cod.
Jaamac Taqal Cabaas waxaa ku guuleystay kursiga tirsigiisu yahay HOP230 oo kamid ah Golaha Shacabka baarlamaanka 11 aad, isagoo heley codad gaaraya 77 cod oo kamid 100 ergo oo codadkooda ka dhiibtay doorashada, murashaxii la tartamayay oo ahaa Cabdi Cali Cumar ayaa keensaday 23 cod.
Ismaaciil Iidow Maxamed ayaa ku guuleystay kursiga tirsigiisu yahay HOP275, isagoo heley 71 cod oo kamid ah 90 ergo oo doorashada ka qeybgalay, halka murashaxii la tartamayay oo ahaa Cabdisataar Xasan Cali uu xaqiijiyay 16 cod.
Mukhtaar Maxamed Guuleed ayaa sidoo kale maanta lagu doortay magaalada Baydhabo isagoo ku guuleystay kursiga tirsigiisu yahay HOP183 waxaana uu heley 83 cod oo kamid ah 100 ergo oo codkooda dhiibtay, halka murashaxii la tartamayay oo ahaa Xuseen Cali Aadan uu keensaday 16 cod.
