Madaxweynaha Puntland Dr. Cabdiweli Maxamed Cali Gaas ayaa maantaย waxa uu ka qayb galay munaasabad lagu maamuusayay maalinta caruurta Africa oo ku beegan 16 June sanad kasta, waxaana munaasabaddaas si wada jir ah usoo qaban qaabiyay Wasaaradda Haweenka iyo Arrimaha Qoyska iyo Wasaaradda Waxbarashada Puntland.
Madaxweynaha Puntland oo kahadlay Munaasibadaasi ayaa mahad balaadhan u soo jeediyey Wasaaradda Waxbarashada iyo Tacliinta Sare ee Puntland iyo Wasaaradda Haweenka iyo Arrimaha Qoyska oo siwadda jira u soo qaban qaabiya munaasibadani sanad walba markay ku aadan tahay โโ16thย Juneโโ , sidoo kale Madaxweynaha ayaa xusay in daryeelka iyo waxbarashadda dhalaanku ay tahay shaqadda ugu muhiimsan ee loo bahan yahay in bulshadu wakhti badan geliyaan si loo helo dhalaan tayo iyo tacliin wanaagsan leh.
Related posts
Sidoo kale Cabdiweli Gaas oo ka tala bixiyey barbaarinta caruurta ayaa sheegay inay muhiim tahay in laga feejinaado dhalaan ku ababay dhaqan ku salaysan anshax xumo iyo kuwo leh dhaqankii iyo cadooyinka 30-kii sano ee ugu danbeeyey kuwaas oo ragaadiyey dawlad nimadeena,
Dhinaca kale, Madaxweynaha Puntland ayaa kula dardaarmay waalidiinta inay caruurtooda ku carbiyaanย ama ku ababiyaan dhanka wanaagsan ee ku salaysan diinteena Islaamka kaas oo ka beriya faldenbiyeed yadda uu ilmuhu ka arko waalidkii amaba uu caruutiisa waalidku ugu sheekeeyo waxaan dhaqan wanaagsan ahayn ay tahay mid majara habaabin kartaย caruurta .
Mudane Cabdiweli Gaas ayaa sheegay in Puntland ka qayb tahay dhaqan gelinta xeerarka caalamiga ah ee dhawrista xuquuqda carruurta, waxaan uu sheegay madaxweynuhu inay ka kooban yihiin afar qaybood oo kala ah
- Badbaadin,
- Horumarin
- Difaacid iyo
- Ka qayb gelid
Wasiirka Haweenka iyo Arrimaha Qoyska Aniisa Xaaji Muumin iyo Wasiirka Waxbarashada Abshir Aw-Yuusufย Ciise iyo sidoo kale Wasiirka Cadaaladda ย Saalax Xabiib Jaamac ayaa sharaxaad kooban ka bixiyay ujeedka munaasabadda oo sanadkasta la xuso, waxayna tilmaameen in dhowrista iyo daryeelka caruurtu ay tahay muhiim Allena waajib inagaga dhigay.
