Munaasabadan oo aheyd mid loogu dabaal dagayey xuska maalinta caalamiga ah e xuquuqul insaanka oo ay qabatay Wasaaradda haweenka iyo horumarinta xuquuqul aadanaha Soomaaliya ayaa waxaa ka soo qeyb galay wasiirka wasaaradda haweenka, mas’uuliyiin ka socotay mamulka Galmudug iyo marti sharaf kale taas oo lagu qabtay manta magaalada Muqdisho.
Sacdiyo Maxamed Nuur agaasimaha waaxda jinsiga ee wasaaradda haweenka iyo horumarinta xuquuqul insaanka xukuumadda Soomaaliya ayaa ugu horeyn sharaxaad ka bixisay muhiimada dhowrista xuquuqul aadanaha, iyadoo sheegtay in wasaaradda wax badan ka qabatay ilaalinta xuquuqda aadanaha Soomaaliya.
Wasiirka wasaaradda haweenka iyo xuquuqul insaanka Soomaaliya Sahra Maxamed Cali Samatar ayaa sheegtay in loo baahan yahay in la dhowro xuquuqda bani’aadmiga si ay u yaraato dhibaatooyinka ka dhasha dhowris la’aanta xuquuqul insaanka, waxeyna ugu baaqday bulshada Soomaaliyeed in ay fahmaan muhiimada ay leedahay xuquuqul insaanka.
Maanta oo kale tobanka bisha laba iyo tobnaad sanadkii1948ki ayey aheyd markii loo asteeyey maalinta caalamiga ah ee xaquuqul aadanaha iyado si isku mid ah looga xusayo dhamaan wadamada caalamka oo ay Soomaaliya ka mid tahay.
