Madaxweynaha Jamhuuriyada Federaalka Soomaaliya mudane Xasan Sheekh Maxamuud ayaa hambalyo diiran u diray gudoonka cusub ee baarlamanka Soomaaliya, isagoo u rajeeyay in ay howshooda u gutaan si hufan.
Madaxweynaha ayaa amaanay qaabki ay u dhacday doorashooyinki lagu doortay gudoonka baarlamanka ee shalay iyo darraad ka dhacday xarunta golaha shacabka ee Muqdisho.
Related posts
Wuxuu sidoo kale u hambalyeeyay guddiga qabanqaabada doorashooyinkaasi iyo gudoomiyihii KMG ahaa ee baarlamanka.
Wuxuu kula dardaarmay gudoonka cusub ee baarlamanka in afarta sano ee soo socota ay toosiyaan howsha baarlamanka tobonaad, isagoo ku tilmaamay in mas’uuliyiinta loo doortay gudoonka baarlamanka in ay yihiin hoggaan waayo arag ah.
