Madaxweynaha Jamhuuriyadda Federaalka Soomaaliyaย Mudane Maxamed Cabdullaahi “Farmaajo” iyo Wafdi uu hoggaaminayo ayaa goordhow gaaray Magaalada Hobyo ee Gobalka Mudug sida Wakaalada wararka SONNA uu u Xaqiijiyay Agaasimaha Warfaafinta Madaxtooyada Soomaaliyaย Cabdinuur Maxamed Axmed.
Wasiirro, Xildhibaanno, Mas’uuliyiin kala duwan iyo Bulshada Magaalada Hobyo ayaa si diirran u soo dhaweeyay Wafdiga Madaxweynaha Soomaaliya.
Ammaanka Magaalada Hobyo ayaa si weyn loo adkeeyey, waxaana la filaya wafdiga madaxweyanaha in uu kulamo la qaato mas’uuliyiin iyo qeybaha kala duwan ee Bulshada.
Madaxweynaha Jamhuuriyadda Federaalka Soomaaliya Mudane Maxamed Cabdullaahi “Farmaajo” ayaa wada dadaallo iyo wadatashiyo ku saabsan dardargelinta hawlaha dib u heshiisiinta iyo nabadeynta oo saldhig u ah qorshaha socdaalka uu ku maray qeybo ka mid ah gobollada dalka .
