Madaxweyne ku-xigeenka dowlad Goboleedka Hirshabeelle Yuusuf Axmed Hagar Dabageed, Guddoomiyaha Hay’adda Maareynta Musiiboyinka Qaranka Soomaaliyed Mudane Maxamuud Macalim Cabdulle ayaa maanta gaaray Magaalada Baladweyne ee xarunta Gobolka Hiiraan, halkaas oo ay ku soodhaween Wasiiiro, Xildhibaanno, Maamulka Gobolka Hiiraan iyo Boqolaal Shacab ah.
Ujeedka mas’uuliyiintan u tageen Baladweyne ayaa ah qeybinta Gargaar Hay’adda Maareynta Musiiboyinka Qaranka halkaas gaarsiisay, kaas oo loogu talagalay shacabka fatahaaddu saameyeen iyo ukuur galidda xaaladaha Beni’aadannimo ee ka jirta Gobolka.
Guddoomiyaha Hay’adda Maareynta Musiiboyinka Qaranka Soomaaliyed Mudane Maxamuud Macalim Cabdulle ayaa sheegay in uu dabagalayo hay’addihii dhisay biyo xireenada Baladweyne, ka Hay’ad ahaana ay wax ka qaban doonaan fatahaadaha soo laab laabtay.
