Iyadoo saacadihii la soo dhaafay ay sii kordhayeen dalalka tageeray cunaqabateyn lagu soo rogay dalkiisa, ee looga jawaabaya xiisadda Ukraine, iyo soo gelitaanka ciidamada Ruushka ee gobollada Lugansk iyo Donetsk, ayuu madaxweynaha Ruushka Vladimir Putin, maanta sheegay in dalkiisa uu diyaar u yahay xal dibloomaasiyadeed oo lagu qaboojinaayo xiisadda hadda ka taagan Ukraine, ย balse wuxuu qiray in amniga iyo danaha Ruushka aan laga gorgortami karin.
โDalkeennu weli waxa uu taaganyahay ย wada-hadal toos ah si xal dublamaasiyadeed loogu xalliyo dhibaatooyinka taagan, laakiin danta iyo amniga muwaadiniinteenna maaha kuwo gorgortan laga gali karo,โ ayuu Putin ku yiri khudbad uu ka jeediyay taleefishinka ku hadla Af Dowladda.
Related posts
Xiisadda Ukraine iyo Ruushka, ayaa soo cusboonaatay bishii Oktoobar ee sannadkii hore, balse maalmahii la soo dhaafay ayaa la sheegay in xaalada ay gaartay meel khatar ah kadib markii ciidammada Ruushka ay soo galeen gobalada dhaca bariga Ukraine, taasi oo meesha ka saartay heshiiskii nabadda (Minsk) ee horay loo gaaray.
Moscow ayaa ku eedaysay maamulka Kiev inay gacan saar la yesheen reer galbeedka, gaar ahaan isbaheeysiga NATO, si loo wiiqo istiraatijiyadda iyo ammaanka Ruushka.
