Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa sheegay in sannadkan uu yahay sannadka soo kabashada Dhaqaalaha Soomaaliya dowladduna ay ka go’antahay kor u qaadista dhaqaalaha dalka.
Madaxweyne xasan sheekh ayaa yiri
“Sannadka 2015 iyo wixii ka dambeeya waxaa muhiimadda la saarayaa soo kabashada Dhaqaalaha, dhaqaalaha ma soo kaban karo haddii aanan jirin hay’adihii dhaqaalahaas sharciyeynayay maamulayay ka shaqaynayay oo nidaaminayay, Bankiyadu waa ka mid, bankiga dhexe waa uu sii xoogaysanayaan, shaqada ay hayaan wasaaradda maaliyadda maalinba maalinta ka dambeysa wuu soo xoogaysanayaa, lacagta bankiyada ay qabanayaan maahan in ay meel iska dhigtaan waa in dalka lagu maalgeliyo , hantida ganacsatada ee dhinaca dibadda ay geliyeen waa in dalka ay dib ugu soo celiyaan intooda badan”
Dhinaca kale Madaxweynaha jamhuuriyadda federaalka Soomaaliya Mudane Xasan sheekh Maxamuud ayaa in taa raaciyay in haddii uu dhaqaalaha dalka uu soo kabmo dadka Soomaaliyeed ay ka caawinayso in qaarbadan oo ka mid ah shaqooyin noloshooda ay ku maareeyaan ay helaan,
Marka laga tago hadalka Madaxweyne Xasan sheekh ayaa Xaaladda dhaqaale ee dalka waxa uu umuuqdaa mid soo kabanaya taasi oo kuu kuujinaysa in dadka Soomaaliyeed oo kaashanaya dowladdooda ay isku taageen inay dib u soo nooleeyaaan Awoodda dhaqaale ee dalkeenu leeyahay.
