Maxkamada sare ee dalka Koofur Afrika ayaa amartay in xabsigiga lagu celiyay madaxweynihii hore ee dalkaas Jacob Zuma, ka dib markii go’aankii horey maxkamaddu u gaartay dhinaca la iska dhigay lana sii daayay sababo caafimaad darteed, sida uu sheegay xaakimka Arbacadii.
79- sano jirkan ayaa bishii September si ku meel gaar ah looga soo daayay xabsiga sababo caafimaad, Mr. Zuma ayaa lagu xukumay 15 bilood oo xabsi ah ka dib markii uu quursaday maxkamadda isla markaana iska dhaga tirey in uu ka soo qeybgalo dhageysiga eedeymo musuq maasuq oo loo heystay.
Hanaanka cadaaladda ee ka dhanka ahaa eedeymaha musuq maasuq muddadii sagaalka sano ee xukunkiisa oo ugu dambeyn keentay is casilaadiisa ayaa loo arkaa tijaabo sida uu u shaqeynayo nidaamka Koofur Afrika ka dib xukunkii midab takoorka gaar ahaan madaxda awoodda badan oo taageero badan ku dhex leh bulshada.
Zuma ayaa booliiska isu soo dhiibay 7 bishii Luulyo waxaana u bilowday xukunka, kumanaan kamid ah taageeriyaashiisa ayaa waddooyinka waa weyn ee dalkaas isugu soo baxay ayagoo ka soo hor jeeda go’aanka maxkamadda.
Banaan baxyadaas ayaa sababay, in ka badan 300 qof ayaa ku dhintay rabshadaas iyadoo kumanaan ganacsato ahaa ku ceyroobeen.
Jacob Zuma ayaa dalka Koofur Afrika xukumayay intii u dhexeysay 2009 ilaa 2018 waxaana si weyn u soo shaac baxay muddadaas eedeymo maamul xumo maaliyadeed ah, sidoo kale la alkumay dhageysi gaar ah oo ku saabsan musuq maasuq sababay in xilka madaxweyne ku xigeenka laga ceyriyo sanadkii 2005 ka dib markii si xun u maamulay lacag $2 billion oo dowladda ku gashay heshiis hub kala iibsi ah.
Zuma, ayaa waxaa lagu eedeeyay lunsasho hanti dowladeed, lacago la dhaqo iyo eedeymo kale oo dhowr ah, waxaana la filayaa in xabsiga ku sii jiri doono ilaa sanadkan soo aadan.
Si kastaba, Zuma ayaa diiday in uu wax khalad ah sameeyay, isagoo dhamaan kiisaskan ku sifeeyay kuwo siyaasad ka dambeyso oo la doonayo in kooxdiisa lagu faquuqo gudaha xisbiga talada haya ee ANC. Laakiin xisbiga wuxuu sheegay in arrintan ay la taalo garsoorka.
