Maxkamada Ciidamada qalabka sida qeybta 60-aad ayaa maanta xukun kuridey Cismaan ibraahim Cabdi oo katirsanaa Ciidamada Booliska Soomaaliyeed ee ku sugan Magaalada Baydhabo.
Waxaana lagu soo eedeeyey inuu dhowaan qof shacab ah uu ku dilay gudaha suuqa weyn ee Magaalada Baydhabo ee xarunta gobalka Baay, kaasi oo manta ay u fadhiistey Maxkamadda dacwad ciqaabeedkiisa.
Gudoomiyaha Maxkamada Ciidamada Qalabka sida qeybta 60-aad Gaashaanle sare Aadan Abuukar Maxamed ayaa ku dhawaaqay in danbiile Cismaan ibraahim Cabdi, lagu xakumay dil toogasho ah kadib markii ay ku cadaatay dilka uugeystay ee lagu soo eedeeyay.
Dhanka kale Taliyaha qeybta Ciidamada Booliska Gobolka Baay Gaashanle Sare Aamiin Mad Daruur ayaa Digniin u direy Ciidamada qalabka sida gaar ahaan Ciidamada Booliska ee ka howl gala deeganada kala duwan ee Koonfur Galbeed Soomaaliya in ay qorigooda ka adkaadaan, si aysan u waxyeleenin muwaadiniinta ay amaankooda mas’uulka ka yahiin.
