Maxamed Cabdulle Nuur Abkow oo ku dhashay Jamaame ayaa ka soo mid ahaa Ciidamada Xoogga Dalka illaa Dowladdii AUN madaxweyne Cabdullaahi Yusuf Axmed, laakiin waxa uu ka haray Liiska Ciidamada Xoogga Dalka xilligii dib u habaynta Electronic ahayd ee 2018.
Sanad ii 2017 kii ayay Xafiiska xeer Ilaalinta iyo Hayโadda Nabad Sugidda Cadeeyeen in uu bilaabay la shaqaynta Alshabaab, waxa uuna Argagixisada u Qaabilsanaa Gudbinta Gawaarida Qaraxyada ah Ee ay Argagixisada ku weerari jirtay Muqdisho.
Related posts
Waxa uu isticmaalayay Magiciisa iyo Kaarkiisa Aqoonsiga isago oo aan ku jirin Liiska Saraakiisha oo uu mar ka gaaray Laba Xidigle.
Maragyada wax laga waydiiyay Maxamed Cabdulle Nuur Abkow waxa ay Qireen in shaki badani ka qabeen intuu uu kamid ah Saraakiisha ku Qoran Villa Baydhabo ee aan howlaha Ciidamada ku Jirin.
September 19 keedii 2019 ayaa lagu helay in uu Qarax geeyay Ururka 38-aad ee degan Villa Baydhabo.
23-kii bishii March ee Sanadkan ayuu ku geliyay Gaarigiisa Garoonka Diyaaradaha Laba dhagar Qabe oo ka tirsan Argagixisada, waxaana abaabulka weerarkii Biyamaalow ku naf waayay Allaha Unaxariiste Cabdirisaaq Aabi Cali, oo kamid ah Halyeeyadii soo afjarayay weerarkaas, waxaana jiro khasaara gaaray Saaxiibbo kale oo joogay goobta gaarka ah ay isku fara saareen Maleeshiyada Weerarka ahaa iyo Ciidamada gaarka ah Ee Haramcad.
Sideedii bishan ayay soo gaba gabowday Maxkamadaynta Maxamed Cabdulle Nuur Abkow.
Waxaa Maxkamadda laga Daawad Siiyay Muuqaalka Camerooyinka Amniga ee CCTV xilligii uu gudbinayay Naftood haligayaashii Arbushay Garoonka.
Maxkamadda ayaa ugu dambayn Maanta Goโaan ka soo saartay Maxamed Cabdulle Nuur Abkow (Biyamaalow) waxa ayna ku xukuntay dil toogasha ah oo ah Qisaasta Marxuun Cabdirisaaq Aabi Cali, sida uu sheegay Gaashaanle Sare Xasan Cali Nuur Shuute, Guddoomiyaha Maxkamadda Darajada Koowaad Ee Ciidamada Qalabka Sida.
