Waxaa Magaalada Göteborg ee wadanka Sweden lagu soo gabagabeeyey Mu’tamarkii 11aad ee Ahlusunna Waljamaaca oo ka soconayey Mudoo labo Maalin ah. Caasimada labaad ee gothenburg ee dalka Sweden.
Mu,tamarkaan oo socdey 2 Maalin ah ayaa waxaa kasoo qayb galay qaar kamid ah Culumaa`udiin magac iyo maamuus ku leh bulshada Soomaaliyeed dhexdeeda ay soo xaadireen.
Furitaanka Mu`tamarkan ayaa waxaa ka hadlay Sh.C/raxmaan Sh. Muxudiin Celi oo sanadkaan isaga iyo jameecadiisa ay martingaliyeen Mu`tamarka, waxa una ku soo dhaweeyey Culumaa`údiinka iyo dhamaan jameecooyinka kala duwan ee ka soo qeybgalay Mu`tamarka sida qiimaha badan leh oo ay u soo xaadireen.
Mu`tamarkan ayaa waxaa muxaadarooyin qiimo badan xambaarsana ka soo jeediyey Culimaa`udiinka kala ah.
Sh. Saalax Mucalim Abdullahi oo ka yimid USA, Sh. Muuse cadde oo ka yimid Holland iyo Sh. Maxamed Cabaas oo ka yimid UK
Mu`tamarkan oo ah mid sanadla ah ayaa waxaa ka soo qeybgalay boqolaal isugu jiray Culimaa’udiin, dadweyne aad u fara badnaa kuwaas oo qalbi qushuuc ku dheehan yahay ku dhageysanayeey muxaadarooyinka qiimaha leh oo ay culimadu soo bandhigayeen.
Abaabulka iyo qaban qaabada Mu’tamarka ayaa waxaa ay eheyd mid aad u sareysay marka laga eego gudiyada lo xilsaaray deeganka, raashinka iyo nidaamka kuwaas oo si qurux badan iskula shaqeynayey, taasina waxaa ay aheyd mid soo jiidatay qeybgalaayasha Mu`tamarkan
Ugu dambeeyntii Culimaa,udiinki ka qayb galay Mu`tamarkan ka soo saareen Bayaan ka koobnaa 4 qodob oo uu saxaafada u aqriyeey Sh.C.fitaax Maxamed Khaliif.
1- Waxaan dhalinta Soomaaliyeed uga digeeynaa in ay iska daayaan tahriibka naftooda ay halis galin karta kaasoo ka dhalan karta cawaaqib xumo, iyadoo aysan u banaaneen diiniyan
2- Waxaan uga digaynaa waalidiinta Soomaaliyeed in ay iska hubiyaan goobaha waxbarasha oo aysan cayaalkooda geyniin goobaha wax lagu barayo kaas oo ay naftooda halis gasho.
3- Waxaan ka codsaneeynaa dowladda ineey hubiso Manaajika lagu dhigaya Masaajidada iyo iskuulada iyo goobaha waxbarashada.
By: Maxamed C.qaadir Daahir (Ashraf)
