Xoghayaha Guud ee NATO Jens Stoltenberg, ayaa xaqiijiyay inay socdaan dadaallo lagu doonaya inTurkiga iyo Hungary lagu qanciyo sidiii ay u ansixiyeen lahayeen ku biiritaanka Sweden iyo Finland, ururka NATO, isagoo intaasi ku daray inay qorsheyeen in labadan dal ay si gooni gooni ah ugu biiraan Ururka.
Baarlamaanada 30-ka dowladood ee xubnaha ka ah isbaheysiga NATO, ayaa la rabaa in ay ansixiyaan xubinimada Finland iyo Sweden, ka hor inta aysan ku biirin isbaheysiga.
Xoghayaha Guud ee NATO, ayaa ka hor kulanka dalalka NATO ee ka dhacaya Brussels, sheegay in ansixinta ku biiritaanka Finland iyo Sweden aysan ahayn arrinta ugu weyn ee looga hadlaya kulanka, balse loo baahanyahay in la dadajiyo ansixinta ka mid noqoshahooda Isbaheysiga.
Dhankeeda, Wasiirka arrimaha dibadda ee Jarmalka Annalina Baerbock, ayaa booqasho uu ku tagtay Stockholm Todobaadkii hore sheegtay in labada dal ay tahay in lagu daro isbahaysiga ka hor shirka NATO ee bisha July ka dhacaya caasimadda Lithuania ee Vilnius.
Dalalkan Sweden iyo Finland, ayaa horay u buuxiyay shuruudaha ku biiritaanka isbaheysiga, waxaana la qorsheynayay inay ka mid noqdaan NATO, ka hor shirwaynaha soo socda, balse waxaa taasi ka horyimid hoggaamiyaha Turkiga, oo kaa shanaya mas’uuliyiinta Hungary.
