Xoghayaha Guud ee NATO Jens Stoltenberg, ayaa ku sheegay wareysi uu siiyay wakaaladda wararka France-Presse, Jimcihii, in Ruushka uu isku diyaarinayo dagaal dheer oo muddo ka sii socda Ukraine, taasi oo xulafada NATO ku qasbeysa inay sii wadaan bixinta hubka iyo tageerada kala duwan ilaa Putin uu ka dareemo guul darrooyinka dagaalka.
Jens Stoltenberg, oo hadalkiisa sii wata ayaa yiri: “Ma aha inaan dhayalsanno qorshaha Ruushka, maadaama uu isku diyaarinayo dagaal dheer, wuxuuna abaabulayaa ciidamo badan, wuxuuna isku dayayaa inuu helo hub iyo rasaas badan.”
Waddamada NATO oo uu ugu horeeyo Maraykanka ayaa Ukrain siiyay intii uu dagaalka socday Hub ku kacaya balaayiin doolar si ay iska caabiyaan weerarada ciidamada Ruushka.
Moscow, ayaa bilowday weerarro Gantaallo ah oo lala beegsaday xarumaha tamarta rayidka ah ee Kyiv si meesha looga saaro korarka hubka ee gacanta u galaya Ciidamada Ukraine.
