C/qawi Axmed Yuusuf oo ahaa guddoomiye ku xigeenka Maxkamadda Caddaaladda Caalamiga ee ICJ ayaa loo doortay shalay oo Talaada ahayd xilka madaxtinimo, ka dib markii uu kusoo baxay codeyn qarsoodi ah oo ka dhacday xarunta maxkamadda ee fadhigeedu magaalada the Hegue ee dalka Holland.
warkan oo ay jariiradda Africannews kasoo xigatay safiirka Soomaaliya u qaabbilsan midowga Yurub Ambassador ย Cali Siciid Fiqi ayaa shaaciyay natiijada guusha garsoore C/qawi Axmed.
Related posts
Madaxweynaha cusub ayaa xubin sare ka ahaa maxkamadda ICJ tan iyo ย February 2009, waxaana xilka guddoomiye ku xigeennimo loo doortay sanaddii 2015.
Mr;Yuusuf ย waxa uu ku dhashay magaalada Eyl Gobollada Waqooyi Bari Soomaaliya 1948,wuxuuna kasoo qalin jebiyay Jaamacadda Ummadda Soomaaliyeed 1973, wuxuuna wax barashadiisa heerka sare ku dhammaystay Jaamacadda Florence ee dalka Maraykanka 1977-kii, isagoo ku taqasusay sharciga caalamiga iyo xiriirka bulshada, wuxuuna shahaadadiisa ย Ph.D. ku diyaariyay jaamacadda sharciyada caalamiga ee Geneva.
Garsoore C/qawi Yuusuf ayaa noqonaya guddoomiyihii 26 aad ee soo mara ย ICJ, isagoo ka guuleystay Ronny Abraham oo kasoo jeeda dalkaย farnsiiska , wuxuuna sidoo noqonayaa masuulkii ugu sarreeyay ee Afrikaan ah ee qabta xilkaas, waxaana kaga horreeyay Taslim Elias oo ka soo jeeda dalka Nigeria,inta u dhaxaysay 1982-1985 iyo Mohamed Bedjaoui oo u dhashay Aljeeriya, kaasoo isna hayay sanadihii 1994-1997-kii.
