Kulamo ay isugu yimaadeen xarunta safaaradda Soomaaliya ee Uganda odayaasha dhaqanka, waxgaradka, nabadoonada, culumaa’udiinka iyo ardayda, kulankaas oo uu isugu yeeray safiirka soomaaliya ee Uganda Danjire Cali Maxamed Maxamuud ( Cali Cagabaruur ) ayna goobjoog ka ahaayeen Qunsulka Safaaradda Cali Qadar Warjiid, iyo Xoghayaha 1-aad ee Safaaradda Cabdullaahi Maxamed Warsame, ayaa looga wada-xaajooday caqabada ka haysta Jaaliyadda Soomaalida ee Uganda ku nool iyo sidii wax looga qaban lahaa.
Kulamadan oo socday muddo 3 maalin ah ayaa munaasabad isugu jirtay xiritaan iyo qado sharaf uu safiirka u sameeyay odayaasha oo ka dhacay hotel Mks ayaa laga soo saaray qodobada soo socda:-
Odayaayasha iyo waxgaradka waxa ay isla garteen in ay jiraan dhiibatada soo socota:
1- In ay jiraan Tuugo kusoo badanaysa deegaanada ay soomaalida ku badan tahay oo aysan la qabin jaaliyadaha kale ee dalka Uganda ku nool
2- In ay jiraan Dhalinyaro Soomaaliyeed oo dhibaato ku haysa bulshada Soomaaliyeed ee Uganda oo qaab koox koox ah u abaabulan, kuwaas oo isticmaala maandooriyaha qeybahiisa kala duwan
3- In ay jiraan dhalinyaro ka tagtay dhaqankeena suuban ee Soomaaliyeed iyo midkeenii Islaamka kuwaasoo sameeyo falal anshax xumo ah.
Odayaasha Ayaa Isku Raacay Qodobadan
1- In laga wacyo galiyo dhalinyarada maandooriyaha iyo dhaqanka xun ee kasoo horjeeda dhaqankeena Soomaaliyeed.
2- Waxaa la sameeyay guddi ka kooban 36 qof oo isugu jira odayaasha dhaqanka Soomaaliyeed, culumaa’udiinka, iyo ardayda kaasoo u xilsaaran in ay waxka qabtaan caqabadaha kor kusoo xusnay iyagoo kaa shanaya Safaaradda Soomaaliya ee Uganda.
