Kooxda Almeria ayaa waxaa garoonkeeda Estadio de los Juegos Mediterráneos 1-4 uga badiyay kooxda Real Madrid.
Kooxda Real Madrid ayaa goolka la hor martay,waxana daqiiqadii 30-aad ee ciyaarta u dhaliyay ciyaaryahan Isco.
Ciyaaryahan Verza ayaa daqiiqadii 34-aad ee ciyaarta gool barbardhac ah u dhaliyay kooxda Almeria.
Ciyaaryahan Gareth Bale ayaa dhamaadkii qeybtii hore ee ciyaarta goolka labaad u dhaliyay kooxda Real Madrid,sidasi ayaana lagu kala nastay qeybtii hore ee ciyaarta.
Markii leysku laabtay qeybtii labaad ee ciyaarta ayaa gool haye Iker Casillas waxa uu rigoore ka badbaadiyay ciyaaryahan Verza.
Ciyaaryahan Cristiano Ronaldo ayaa daqiiqadii 81-aad ee ciyaarta goolka sedaxaad u dhaliyay kooxda Real Madrid.
Ciyaaryahan Ronaldo ayaa 24-gool ku hogaaminayo gool dhalinta horyaalka Spain ee La Liga.
Ciyaaryahan Cristiano Ronaldo ayaa dhamaadkii ciyaarta goolka afaraad u dhaliyay kooxda Real Madrid,waxana uu ahaa goolkiisii 25-aad ee horyaalka Spain ee La Liga.
Kooxda Real Madrid oo uu hogaamiyo macalin Carlo Ancelotti ayaa rikoor cusub dhigtay,waxana ay badisay kulankeedii 20-aad oo xiriir ah.
Kooxda Real Madrid ayaa axada tageyso dalka Morocco,si ay ugu soo ciyaarto koobka naadiyada aduunka ee Fifa World Club.
Kooxda Real Madrid ayaa horyaalka Spain ee La Liga ku hogaamineyso 39-dhibcood,halka kooxda Almeria ay kamid tahay sedaxda kooxood ee horyaalka ugu hooseeya.
