Ra’iisal wasaare ku-xigeenka dalka Mudane Mahdi Maxamed Guuleed iyo Guddoomiyaha Gobolka Banaadir ahna Duqa Muqdisho Mudane C/raxmaan Cumar Cusmaan “Injineer Yariisow” ayaa galabta si wadajir ah u booqday qaar ka mid ah Isbitaallada Muqdisho ee ay ku jiraan dhaawacyadii waxyeelada ka soo gaartay Qaraxyadii ka dhacay Muqdisho.
Dhaawacyada ayaa la sheegayaa in Xaaladooda Caafimaad hadda soo hagaageyso,islamarkaana ay heleen adeegyadii caafimaad ay u baahnaayeen.
Guddoomiyaha Gobolka Banaadir ahna Duqa Muqdisho C/raxmaan Cumar Cusmaan oo ka hadlay Xaaladda dadkii ku dhaawacmay Qaraxyadii Muqdisho ay ka fuliyeen Kooxda Nabadiidka Al-Shabaab ayaa sheegay iney Xaaladdooda hadda soo hagaageyso,wuxuuna Alla ka sakow u mahad celiyay dhaqaatiirtii xaaladooda caafimaad ku dadaashay.
“Waxaan galabta booqanay qaar kamid ah Isbitaallada magaalada ee ku jiraan dhaawacyadii dhowaan ay wax-yeelladu ka soo gaartay Qaraxii ka dhacay Muqdisho oo hadda ay xaaladdooda caafimaad soo hagaagayso” ayuu ku Yiri Gobolka Banaadir Qoraal uu soo dhigay Bartiisa Facebooka.
Ra’iisal wasaare Ku-xigeenka dalka Mudane Mahdi Maxamed Guuleed oo la hadlay Warbaahinta ayaa u rajeeyay dhaawacyada inuu Illaah u booga dhayo,isagoona balan qaaday in Dowladda inta Karaankeeda ah ku dadaali doonto sidii dadkaasi ilgaar ah loogu eegi lahaa.
