Safiirka Safarada Somaliyeed ee Wadanka Malaysia Amb.Abukar Abdi Osman “Mardaadi” ayaa ka mid noqtay tiro safiiro ajaaniib ah oo lagu sharfay in ay dowlada Malaysia kala soo qayb galaan soo dhawaynta Madaxweynaha Faransiiska Franรงois Hollande oo booqosho maalmo qaadan doono ku yimi wadanka Malaysia.
Soo dhawaynta ka dib ayaa wagtiga madaxweynaha waxa loo gudbiay qaybta VIPka garoonka waxaa isbarasho iyo is xog waraysi kooban ay ku dhexmartay safiir Abukar Abdi Osman Iyo Madaxweyne Franรงois Hollande, wuxuuna Ambassador Abukar uu ugu xog waramay wafdiga madaxweynaha faransiiska xalada uu dalka ku jiro, wuxuuna aad ugu mahad celiyay sida calamka oo ay dowlada Malaysia ka mid tahay ay ugu Muujiyeen gurmad dadka somaliyeed ee ay abaaruhu sameeyen.
Related posts
Tan iyo markii la soo magacabay ambassador Abukar Abdi Osman ayaa waxaa muuqata in xiriir aad u qurux badan uu ka dhex bilawday labada dal ee Malaysia iyo Somalia, iyadoo malmihii la soo dhaafay wakalada wararka iyo jaraaidyada ka soo baxa wadanka Malaysia ay aad u hadal hayeen xaladaha abaraha ee dalka, iyadoo weliba dowlada Malaysia ay Kaalmo wayn ka geesatay, taaso ku timi dadaalka safiirka iyo howl wadeenada safarada, waxaana muuqata in sharaftii iyo karamada safarada Somaliyeed ee wadanka Malaysia ay dib u soo laabatay.
