Waxaa ka Furmay dalka Turkiga shirka Ganacsiga ee wadamada Qaarada Africa iyo Turkiga, shirka oo ay ka soo qayb galeen 48 dal oo ka kala socday dhamaan Qaarada Africa, iyo African Union,
Waxaa dowlada Soomaliya uga qayb galay shirka Wafdi uu hogaaminaayo Wasiirka Ganacsiga iyo Warshadaha ee DFS Eng, Cabdi rashiid Maxamed Axmed, iyo Madaxa Xafiiska Ganacsiga Safarada Soomaliya ee Dalka Turkiga, Yusuf Axmed Xasan,Jeego” iyoΒ Ruugta Ganacsiga Soomaliya iyo Ganacsato Soomaliyeed, furitaanka hore ee shirka ayaa waxaa ka hadlay Madaxweynaha dalka walaalaha nahay ee Turkiga, Recep Dayib Erdogan, iyo Madaxweynaha Dalka Chad, khudbada Madaxweynaha dalka Turkiga ayaa hadaladiisaΒ waxaaΒ ku jirayΒ inay ka go’antahay dowladda Turkiga inay maalgashi dhankasta leh ay lawadagaan dhamaan wadamada Qaarada Africa.
Related posts
Shirka inta uu socday ayaa Wasiirka Ganacsiga iyo Warshadaha ee DFS, waxaa Kulamo gaar gaar ah la yeeshay Ra’isul Wasaraha dalka Turkiga, Binali Yildirim, oo mahad celin balaaran usoo jeediyay Wasiirka Ganacsiga Soomaliya.
Wuxuu xusay in Soomaaliya tahay xilligan waqtiga ay ku haboontahay in shirkadaha Turkiga ay maalgashi ku sameyetaan, Wasiirka Ganacsiga Soomaliya ayaa waxaa kaloo Kulan muhiim ah la Qaatay Wasiirka Dhaqaalaha dalka Turkiga, Mudane Nihat Zeybekci, oo ay kawada hadleen in la xoojio xiiriirka Ganacsiga ee ka dhaxeeya labada dowladood, Wasiirka Dhaqaalaha dalka Turkiga oo dhamaan soo dhaweeyay sida ay dowlada Soomaliya dadaal balaaran ugu jirto horumarinta Ganacsiga, waxaa kaloo uu balan qaaday Wasiirka Dhaqaalaha dalka TurkigaΒ in shirkadahaΒ Turkiga ay maalgashi dhankasta leh la wadaagi doonaan dalka Soomaliya,
Shirkan oo socon doona Mudda laba maalin ah ayaa waxaa dadaal balaaran ay uguΒ jirtaa Safaarada Soomaliya ee dalka Turkiga, xoojinta Xiriirka Ganacsiga eeΒ nagala dhaxeeya dalka walaalaha nahay ee Turkiga, ayadoo ay socdaan dadaal xoogan uu wado Danjiraha Safaarada Soomaliya ee dalka Turkiga, Cabdulaahi Maxamed Cali sanbaloolshe.
