Wasiirka Maaliyadda Xukumadda Soomaaliya Mudane Dr. Cilmi Maxamuud Nuur ayaa magaalada Khartuum ee Dalka Suudaan uga qayb-galay Shirka Golaha Midowga Dhaqaalaha Wadamada Carabta oo sanadkaan ay Shir-guddoon ka aheyd Dowladda Suudaan.
Wasiirka Maaliyadda Soomaaliya Dr. Cilmi M. Nuur ayaa jeediyay khudbad dhinacyo badan taabanaysay oo ku saabsan marxaladda maanta ee Soomaaliya, sida dib-u-haneynta Maaliyadda, dhameystirka Deyn-Cafinta iyo la dagaalanka Argagixisada.
Gabagabadii shirka, waxaa Dowladda Soomaaliya lagu soo wareejiyay shir-guddoonka golaha oo guddoomiye looga dhigay Wasiirka Maaliyadda Soomaaliya oo xilkaan heyndoona ilaa sanadda dambe.
