Siminaarkaan oo ah mid sare loogu qaadayay xirfadda aqooneed ee kaluumeeysatada ka jilaabta xeebta dagmada Hobyo ee gobalka Mudug ayaa loo qabtay ilaa 40 ka tirsan kaluumeeysatada ka jilaabta xeebaha bariga gobalka Mudug.
Tababarkaan oo ay soo qaban qabiyeen ururuda Sosda iyo Daryeel ayaa waxaa ka qeyb galay mas’uuliyiin ka tirsan kuwa maamulka dagmada Hobyo ee gobalka Mudug aqoonyahanno ku xeeldheer arimaha badaha iyo mas’uuliyiin ka socatay ururada Sosda Iyo Daryeel
Furitaanka siminaarka waxaa ka hadlay Eng. Cumar Maxamuud Rooble (Cumar Suuri) oo ka mid ahaa mas’uuliyiin ka socatay ururadii barnaamijka soo agaasimay ee Sosda iyo Daryeel wuxuuna ka warbixiyay ajnadaha siminaarka.
“Tababarkaan waxaa soo qaban qaabiyay ururada Sosda oo ah NGO wadaniya iyo ururka Daryeel oo ah NGO caalamiya ujeedka laga leeyahayna waa in sare loo qaadaa xirfada kaluumeeysatada Soomaaliyeed si ay uga faa”
iideeystaan wax soo saarka badahooda waxaa sidoo kale lay idinkaga faa”iideeyn doonaa sida aad u keydsan laheeydeen waxa aad kala soo baxdaan baddiina” ayuu yiri Cumar Maxamuud Rooble (Cumar Suuri)
Maxamed Cali Guure Maamuun madaxa horumarinta mashaariicda maamu;lka dagmada Hobyo oo isna furitaanka tababarka ka hadlay ayaa sheegay in ka maamul ahaan ay aad usoo dhaweeynayaan in tababar ceynkaan oo kale
ah loo qabto kaluumeeysatada Soomaaliyeed ee ka jilaabata xeebta dagmada Hobyo ee Gobalka Mudug.
Siminaarkaan ayaa intii uu socday waxaa casharo ku aaddan qaabkii ay u tayeeyn lahaan waxsoo saar kooda iyo sida ugu haboon ee ay u keydsan lahaayeen usoo jeediyay kaluumeeysatadii siminaarka ka qeyb gashay aqoonyahano Soomaaliyyeed oo ku taqasusay qaabka kaluumeeysiga badaha.
Ma ahan markii u horeeysay oo ay ururada Sosda iyo Daryeel tababaro ceynkaan oo kale ah u qabtaan kaluumeeysatada ka jilaabta xeebaha bariga Gobalka Mudug ee Galmudug.
C/risaaq Maxamed Axmed Galkacyo
Sawir-qaade C/risaaq Maxamed Axmed Galkacyo
