Taliyaha ciidanka Dhulka Jeneraal Dayax Cabdi Cabdulle oo ay wehliyaan guddoomiyaha gobolka Mudug iyo mas’uuliyiin kale ayaa booqday deegaanka Shabeeloow iyo Miyiga hoos yimaada oo ka mid ahaa meelihii dhawaan laga saaray Khawaarijta arxanka daran.
Taliyaha iyo masuuliyiinta kale ayaa la kulmay Saraakiisha Xoogga Dalka Soomaaliyeed iyo Daraawiishta Galmudug ee khawaarijta ka saaray Shabeeloow iyo saldhigyadii ay ku lahaayeen dhulka Miyigaa.
Ciidanka Xoogga Dalka ayaa saakay kaabiga ku haaya deegaanka Caad, oo la sheegay in khawaarijtu isaga carareen sida uu ku soo waramayo Wariyaha Warbaahinta Qaranka ee Gobolka Mudug.
Maalmihii lasoo dhaafay Khawaarijta ayaa laga xoreeyay deegaannada Shabeeloow iyo Cimaamad oo dhamaan ka mid ahaa Saldhigyadii Khawaarijtu oga soo duuli jireen Shacabka deegaannadaas iyo guud ahaan gobolka Mudug.
