Wafdiga uu hoggaaminayo Taliye ku Xigeenka ciidanka asluubta Soomaaliyeed ayaa gaaray magaalada Baydhabo waxaana halkaasi ku soo dhaweeyay Taliyaha Qeybta Ciidanka Asluubta Ee Gobolka Baay iyo saraakiil ka tirsan Ciidanka iyo masuuliyiinta maamulka koofur galbeed waxaana wafdiga loo galbiyay xarunta Taliska Ciidanka Asluubta Ay Ku leeyihiin Gobolka Baay.
Taliye ku xigeenka ee ciidanka Asluubta Soomaaliyeed S/Guuto Cilmi Waasuge Coloow ayaa waxa uu salaan sharaf ka qaatay cutubyo ka tirsan Ciidanka Asluubta Soomaaliyeed Ee Qeybta Gobolka Baay.
S/Guuto Cilmi Waasuge Coloow iyo saraakiisha kale ee la socotay ayaa kormeerey xabsiga weyn ee magaalada Baydhabo halkaas oo ay kula kulmeen saraakiisha Qeybta Ciidanka Asluubta Ee Gobolkaasi.
Waxa uu halkaasi warbixino kaga dhageystay Taliye Ku Xigeenka Ciidanka Asluubta Soomaaliyeed Saraakiisha Ciidanka Asluubta Qeybta Gobolka Bay.
Ujeedka wafdiga ayaa ahaa sidii ay u ogaan lahaayeen xaalada ay ku suganyihiin Ciidanka Asluubta Soomaaliyeed Ee ka howl-gala Gobolka Bay iyo sidii wax loogu qaban lahaa maxaabiista ku xiran xabsiga magaaladaasi oo ay gacanta ku hayaan Ciidanka Asluubta.
Taliyaha Ciidanka Asluubta Soomaaliyeed S/Gaas Bashiir Maxamed Jaamac ayaa tan iyo markii loo magcaabay xilka waxa uu isbadal ku sameeyay dib u dhiska iyo tababarada ciidanka asluubta soomaaliyeed iyo sidii sare loogu qaadi lahaa aqoonta ciidanka.
Waxaa kale oo uu isbadal muuqda ku sameeyay xaalada nololeed oo ay ku sugnaayeen maxaabiista ku xiran xabsiga dhexe ee Magaalada Muqdisho oo ay gacanta ku hayaan ciidanka asluubta soomaaliyeed.
iyo xanaaneynta ubadkii ku dayacnaa wadooyinka magaalada muqdisho oo isugu jiray caseeyayaal iyo kuwa xabagta ama koolada ku dhuuqi jiray gidaarada ama hareeraha wadooyinka magaalada muqdisho ku waasoo gabi ahaanba laga ururiyay fiyaalaha magaalada.
