Afti Qaran 25 Agoosto 1979 oo lagu ansixiyey Dastuurka Jamhuuriyadda
Demoqraadiga Soomaaliya
Muddo 3 sano gudahood waxaa lagu sameeyey Dastuurkii 1979 oo loo diray in shacbigu afti qaran ku ansixiyo. Arrimaha ugu muhiimsan ee Dastuurkan xeeriyey waxaa ka mid ah: – a) Nidaam xisbiyeedka: Xisbi keliya – Xisbiga Hantiwadaagga Kacaanka Soomaaliya (XHKS); (b) Nidaamka Jumhuriyaddain uu yahay Nidaam Madaxweynuhu yahay Madaxa Dawladda iyo Madaxa Laanta Fulinta oo Golaha Shacbku dooranayo.
Wadarta dadweynaha codeeyeye: 3.605.490
|
Natiijada Aftida Qaran |
Tirada Codadka |
U dhigma boqolkiiba % |
|
Codadka yiri: “Oggol” |
3,597,592 |
99.78% |
|
Codadka yiri: “Maya” |
7,898 |
0.22% |
Doorashadii Golaha Shacabka ee 30-kii Deseembar 1979
Ka dib markii Dastuurku ansax noqday 30 Diseembar 1979 waxaa la dhisay Golaha Shacbiga oo ku yimid nidaamka doorashada xisbiga keliya, kaas oo ahaa (XHKS), oo xilkiisa Sharcidejintu yahay muddo shan (5) sano.
Tirada Kuraasta Golaha Shacabku wuxuu ka koobna 177 xubin, oo lix ka mid ah uu soo magacaabayo Madaxweynaha sida ku cad Qodobka 61(4) ee Dastuurka 1979 oo xeeriyey: “Madaxweynaha JDS wuxuu magacaabi karaa xildhibaanno Golaha Shacabka ilaa Lix (6) qof oo laga dhex xulo dadka si gaarka ah ugu soocmay goobaha cilmiga, adabka iyo fanka, ama leh qiimo sare ee waddaninimo”,
Xisbiga Hantiwadaagga Kacaanka Soomaaliyeed ayaa liiska xildhibaanada uu soo xulay ubandhigay dadweynaha in ay ansixiyaan. Natiijadana waxay noqotay sidan
|
Tirada Codbixisay |
|
|
Wadarta Cododka |
3.985.838; |
|
Tirada Codadka yiri: “Haa” |
99.91% |
|
Tirada Codadka yiri: “Maya” |
0.09% |
Guddoonka Golaha Shacbiga waxaa loo doortay M.ne Ismail Ali Aboukar oo xilkaas hayey 1980-1982 Ka dibna xilka ka degay, mudada xil haynta madasha ka harsaneyd waxaa loo doortay inuu dhameystiro M.ne Maxamed Ibrahim, “Liiq-liiqato”, 1983-1984.
Doorashadii Madaxweynahii 3-aad ee Jumhuuriyadda – 26kii Janaayo 1980
Sida waafaqsan Qodobka 80 (1) ee Dastuurkii 1979 Madaxweynaha Jamhuuriyadda waxaa soo sharraxaya Golaha Dhexe ee Xisbiga Hantiwadaagga Kacaanka Soomaaliyeed, Golaha Shacbiga ayaana dooranaya.
Golaha Shacabka Kulankiisa 26-kii Jannayo 1980 wuxuu Sareeye Gaas Maxamed Siyaad Barre, oo ahaa musharaxa keliya, si wadar oggol ah ayuu u doortay in uu noqdo Madaxweynaha Jamhuuriyadda Dimuqraaddiga Soomaaliya Muddo 6 Sano ah si waafaqsan qodobka 80 (4) ee Dastuurkii 1979.
Doorashadii Golaha Shacabka ee 31 Deseembar 1984
Nidaamka Doorashada: Xisbi keliya – Xisbiga keliya ee sharci ahaan ka jiray dalka wuxuu ahaa Xisbiga Hantiwadaagga Soomaaliya (XHKS). Xildhibaanada waxaa soo xulayey Golaha Dhexe ee Xisbiga Hantiwadaagga Soomaaliyeed (XHKS), deedna loo bandhigayey ansixinta dadweynaha. Muddada xilhanyta Golaha Sharcidejinta wuxuu ahaa shan (5) sano, Tirada Kuraasta Golaha Shacbigu wuxuu ka koobnaa 177 xubin, oo 6 xubin ka mid ah waxaa soo magacaabaya Madaxweynaha Jamhuuriyadda Dimuqraadiga Soomaaliya, waxaana laga dhex xulo dadka si gaarka ah ugu soocmay goobaha cilmiga, adabka iyo fanka, ama leh qiimo sare ee waddaninimo, si waafaqsan Dastuurkii 1979. Natiijada codeynta dadweynaha waxay noqotay sidan:
|
Tirada |
U dhigma boqolkiiba % |
|
|
Tirada codbixiyeyaasha diiwaangashan: |
4.220.466 |
|
|
Wadarta dadka codeeyey: |
4.214.667 |
99.9% |
|
Wadarta codadka xumaaday: |
1.990 |
|
|
Wadarta Codadka ansaxay: |
4,212,677 |
|
|
Codadka yiri: “Haa” |
4,207,977 |
99.89% |
|
Tirada Codadka yiri: “Maya” |
4,700 |
0.11% |
Waxaa Guddoomiyaha Golaha Shacabka loo dortay M.ne Maxamed Ibrahim, “Liiq-liiqato”, 1984-1988,
Doorashadii Madaxweyne Jamhuuriyadda la qabtay 23-ka Diseembar 1986
Isbeddellada cusub lagu sameeyey nidaamka madaxtooyada dawladda waxaa ka mid ahaa (a) in doorashada Madaxweynuhu laga dhigo mid dadweynaha toos usoo dooranayo uuna noqdo Madaxa Dawladda iyo Madaxa Xukuumadda halkii markii hore uu ahaa mid Baarlamaani ah oo Golaha Shacbigu dooran jiray; (b)in muddaxilhayntiisu laga dhigo toddoba (7) sano halkii markii hore uu ahaa lix (6) sano. Doorashadan waxaa la qabtay 23-kii Diseembar 1986, Musharraxa keliya doorashada usoo istaagayna wuxuu ahaa Sareeye Gaas Maxamed Siyaad Barre, oo ma jirin mucaarad iska garab-sharraxday. Natiijadii codeynta dadweynuhuna wuxay noqotay sida
|
Tirada Codbixisay |
U dhigma boqolkiiba % |
|
|
Tirada Codadka Ansxay: |
4.889.078; |
|
|
Tirada Codadka yiri: “Haa” |
4.887.592 |
99.97% |
|
Tirada Codadaka yiri: “Maya” |
1.486 |
0.03% |
La Soco Qeybta 10aad Insha Allah
