Wafdi ballaaran oo ka kooban wasiiro iyo qaar kamid ah xubnaha labada gole ee Baarlamaanka Soomaaliya ee laga soo doorto deegaanada Puntland ayaa maanta ka anba baxay caasimadda Muqdisho iyagoo kusii jeeda magaalada Garowe ee Xarunta maamulkaas.
Xildhibaan Cumar Ismaaciil Waaberi oo kamid ah Baarlamaanka JFS ayaa
wafdiga hogaaminaya, waxayna ka qayb geli doonaan shirka wada tashiga Puntland oo uu dhowaan ku dhawaaqay Madaxweynaha maamul goboleedka Puntland shirkaas oo 15- Maarso-2020 ka furmi doona Garoowe.
Masuuliyiintan kala duwan ee ka tirsan DFS, maadaama ay wakiil ka yihiin bulshada Soomaaliyeed gaar ahaan dadweynaha ku dhaqan gobolada Puntland, marnaba kama maqnaan karaan shirarka la tashiga bulshada si ay kaalin weyn uga qaataan horumarinta guud ahaan dadka iyo dalka.
Wafdiga waxaa kamid ah Wasiiro ka tirsan golaha xukuumadda DFS oo kala ah wasiirka arrimaha dibadda , Wasiirka Beeraha iyo Waraabka, Wasiirka Shaqada iyo Arrimaha Bulshada, Wasiirka Kalluumaysiga, Wasiiru Dawlaha maaliyadda, Wasiiru Dawlaha boostada, Wasiir ku xiigeenka gargaarka, Wasiir
Ku xigeenka amniga gudaha iyo latilayaha amniga Qaranka Madaxweynaha Somalia.
