Wasaaradda arimaha Gudaha Dowladda Soomaaliya ayaa shaaca ka qaaday in ay ka shaqeynayaan sidii culeyska looga qaadi lahaa Maamulka Jubaland.
Xoghayaha joogtada wasaarada arimaha gudaha Prof Yaxye Cali Ibrahin ayaa sheegay in ay ka shaqeynayaa sidii culeyska looga qaadi lahaa maamulka jubaland islamarkaana loo maareyn lahaa qaxootiga.
Xoghayaha ayaa xusay in ay ka warhaayaan culeyska jiro balse ay ka shaqeynayaan sidii culeyskaas wax looga qaban lahaa.
Xoghayaha ayaa sidoo kale tilmaamay arintaani ay kala hadli doonaan hay’adaha qaabilsan arimaha qaxootiga.
Sidoo kale xoghayaha ayaa Maamulka Jubbaland ugu baaqay in ay dhabar adeyg muujiyaan inta xal laga helaayo.
Wasaaradda arrimaha Gudaha Jubbaland ayaaa shalay shaaca ka qaadday in culeys badan ku tahay dadka tirada badan ee kasoo laabanaya xeryaha qaxootiga Kenya, loona baahan yahay in la maareeyo nolosha dadkaasi.
