Wasaaradda arrimaha dibadda Falastiin ayaa ka digtay khatarta ka dhalan karto baaqyada kasoo yeeraya Isra’iiliyiinta ee ku aaddan in duulaan ballaaran ay ku qaadayaan degaanada Falstiiniyiinta.
Wasaaraddu waxay ku baaqday in dalalka caalamka ay soo fara galiyaan arrinkan, si loo joojiyo beegsiga Yahuudda ay ku hayaan Masjidka Al-Aqsa iyo dhamaanba dhulka Falastiin.
Sidokale, Wasaaradda Arrimaha Dibadda Falastiin ayaa si kulul u cambaareysay hadalladi ka soo baxay Wasiirka Amniga Israa’iil, Itamar Ben Gvir, ee ku baaqayay in la baabi’iyo degaanada Falastiiniyiinta ay ku leeyahiin magaalada Quddus, inta lagu guda jiro bisha Ramadaan.
Ugu danbeeyntii, Bayaan ka soo baxay Wasaaradda ayaa lagu sheegay in hadalladani ka soo yeeray madaxda Isra’iil, ay hurin doonaan colaadaha ka dhx taagan Falastiin iyo Isra’iil, mas’uuliyadeedana ay qaadi doonaan Madaxda Yahuudda.
