Madasha Koowaad ee Qaran ee Horumarinta Ganacsiga Beeraha oo ay muhiimadeedu tahay ka tashiga sidii loo Horumarin lahaa Wada-hadalada dowliga ah iyo kuwa gaarka ah, si loo dhiirigaliyo Ganacsiga Beeraha iyo wax soo saarka dalka ayaa waxaa soo qaban qaabisay Wasaaradda Beeraha iyo Waraabka Soomaaliya gaar ahaan waaxda Horumarinta ganacsiga beeraha.
Shirka oo ay ka qeyb galeyn masuuliyiinta Wasaaradda, xubno ka socday maamul Goboleedya, iskaashatooyinka Beeraha, qubaro, ganacsato iyo Bangiyada ka shaqeeya Horumarinta Beeraha ayaa waxaa
labada maalin ee uu socdo looga doodi doonaa qaabka looga wada shaqeyn karo Horumarinta Ganacsiga Beeraha, dhiirigelinta beeraleyda Soomaaliyeed iyo sidii suuq geyn la isku haleyn karo loogu sameyn lahaa, sida uu xusay Agaaasimaha Waaxda Qorsheynta iyo Siyaasadda ee Wasaaradda Beeraha Maxamuud Yaasiin Cartan.
Wasiiru dowlaha Wasaaradda Beeraha iyo Waraabka ahna ku simaha Wasiirka mudane Asad Cabdirisaaq Maxamed oo si rasmiya u furay shirka ayaa xusay In loo baahnahay in laga faaiideystay Dhul Beereedka aynu qaniga ku nahay si loo tiigsado yoolka Xukuumadda DanQaran ee ah in la gaaro isku filnaansho cuno oo dhameytiran.
Madasha Qaran ee Sanadlaha ah ee hormarinta Ganacsiga Beeraha oo berri lasoo gabagabeyn doono ayaa qeyb ka ah dadaallada isdaba jooga ah oo ay Wasaaradda beeruhu ugu jirto horumarinta Beeraha Dalka.
