Wasaaradda Dhalinyarada iyo Ciyaaraha Xukuumaadda Soomaaliya,ayaa Shahaadada Diiwaangelinta Guddoonsiisay Ururrada dhallinyarada ee soo buuxiyey habraaca diiwaangelinta ururrada Dhallinyarada Soomaaliyeed.
Munaasabadda Shahaado Guddoonsiinta waxaa goobjoog ka ahaa Agaasimaha Guud ee Wasaaradda Mudane Cabdiraxiim Warsame Diiriye, Agaasimaha Waaxda Dhallinyarada ee Wasaaradda Marwo Ikraan Jagow iyo Mas’uuliyiin kale.
Markii ugu horreysay ayey Wasaaraddu bilowdey bixinta Shahaado diiwaangalin oo caddaynaysa inuu yahay ururka mid u shaqeeyo arrimaha Dhallinyarada, iskuna xilsaaray Horumarinta dhalinta Soomaaliyeed.
Diiwaangalintan, ayaa noqonaysa qaybtii 1aad, waxaana jiri doona qaybo dambe oo soo socda marka ay soo buuxiyaan shuruudaha iyo habraaca diiwaangalinta.Habraaca diiwaangalinta ayaa ahaa mid Online ah, taas oo suurtagalisay inay is-diiwaangaliyaan Ururrada ka howlgala dhammaan Gobollada Soomaaliya
Shahaadada diiwaangalinta rasmiga ayaa ah mid bilaash ah oo aan lagu xireyn wax khidmad ah, ururkii soo buuxiya shuruudaha ururnimo.
