Wasiir ku xigeenka Wasaaradda Kalluumeysiga iyo Dhaqaalaha Bulluuga ah ee XFS mudane Cali Ifiye Cali ayaa magaalada Nairobi ee dalka Kenya kula kulmay masuuliyiin ka tirsan Dowladda Kenya.
Kulanka oo ahaa isxog wareysi iyo kala warqaadasho ayaa waxaa ka qeyb galay Mudane Axmed Cabdullaahi Maxamed (Axmed Jiir) Barasabka maamul goboleedka Wajeer, Dr. Cali Maalim Maxamuud, Barasab ku xigeenka Mandheera iyo Xildhibaano ka tirsan Baarlamaanka dowladda Kenya.
Wasiir Cali Ifiye ayaa ka mahad celiyay soo dhaweynta loo sameeyay, isagoo madaxda ka soo qeyb gashay kulanka la wadaagay xaalada guud ee dalka.
Barasabka Maamul goboleedka Wajeer ee dowladd Kenya Mudane Axmed Cabdullaahi Maxamed ayaa dhankiisa ka hadlay kulanka isugu jiray soo dhaweynta iyo isxog wareysiga labada dhinac, waxa uu madaxda dowladda Soomaaliya kaga mahad celiyay dadaalka ay ugu jiraan horumarinta dalka.
