Wasiirka Wasaaradda Arrimaha Gudaha, Federaalka iyo Dimuqraadiyeynta Dowlad Gobaleedka Puntland Mudane Maxamed Cabdiraxmaan Dhabancad ayaa xafiiskiisa ku qaabiley Mas’uuliyiin ka socda Hay’adda UNHCR oo uu hoggaaminayey Madaxa UNHCR ee Puntland Maxamed.
Kulanka oo wajiyo kala duwan lahaa ayaa wajiga koowaada la isaga wareystay xaaladda guud ee Abaaraha ka jira Dalka Soomaaliya, gaar ahaan Puntland, qaxootiga, barakacayaasha iyo qulqulka muhaajiriinta soo gala gudaha Puntland. Sidoo kale, wajiga labaad ee shirka oo ay goobjoog ka ahaayeen Agaasimaha Guud iyo Lataliyayaasha waaxda daryeelka bulshada ayaa looga wadahadlay dhameystirka habka wadashaqeynta iyo hirgelinta qorsheyaasha sannadka 2022.
Ugu danbeyn, Wasiirka ayaa hay’adda uga mahadceliyey wadashaqeynta ka dhaxeysa hay’adda UNHCR iyo Puntland.
