Wasiirka Wasaaradda Isgaarsiinta iyo Teknolojiyada Xukuumadda Soomaaliya Mudane Maxamed Aadan Macalin (𝐒𝐎𝐎𝐌𝐀𝐀𝐋𝐈), ayaa maanta Wasaaradda kusoo dhaweeyey Wafdi uu hoggaaminayey madaxa ugu sareeya hay’adda UNDP ee Soomaaliya Mr. Leonel Iyo xubno kale oo katirsan Xafiiska UNDP ee Soomaaliya.
Kulankaan dhex maray wasiirka isgaarsiinta iyo teknolojiyada Soomaliya iyo wafdiga ayaa diiradda lagu saaray xoojinta horumarinta iyo sara uqaadista Digital-ka dalka.
Inta uu socday kulanka ayaa Wasiirka waxa uu warbixn ka dhageystay xubnaha UNDP ee xafiiska kusoo booqday iyagoo sharxaad dheer ka bixyey hanaanka hay’adda ay ugu diyaarsantahay in wasaaradda ay kala shaqeyso horumarinta Degital-ka iyo sida ugu dhaw ay iskula fal gali karaan.
Madaxa hay’adda UNDP ee Soomaaliya mr.Leonel ayaa wasiirka kaga mahadceliyey sida diiran ee uu wasaaradda ugu soo dhaweeyey isagoo balan qaaday in UNDP xoooga saari doonto in wasaaradda ay kala shaqeyso sara uqaadista degitalka dalka maadaama ay wasaaradu ka shaqeyso Howlaha ugu muhiimsan ee dhanka Isgaaraiinta iyo teknolojiyada.
Wasiirka Isgaarsiinta iyo Teknolojiyada Soomaaliya mudane Maxamed Soomaali,ayaa dadaal adag ugu jira sidii loo tayeyn lahaa teknolojiyada dalka loogana faa’ideysan lahaa khuburada ka gacansiin karta howlaha la xiriirta Degitalka iyo guud ahaan teknolojiyada.
