Wasiirka Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya oo ay wehliso Agaasimaha Kormeerka Qiimeynta iyo Xalka Waara ayaa magaalada Muqdisho kulan kula qaatay Mr. Adam Abdelmoula oo ah ku xigeenka Wakiilka QM ee Soomaaliya.
Kulankaan ayaa looga hadlay dhowr qodob oo ku saabsan xaaladda adag ee bani’aadannimo ee dalka ka jirta, taa oo ay ugu weyntahay in la sii laba jinbaaro wax ka qabashada gobollada dalka ee ay ku dhufteen abaaraha ba’an.
Qodobbada sidoo kale diiradda lagu saaray kulanka labada mas’uul ee maanta ayaa waxaa ka mid ahaa:- xaaladaha baniโaadnimo sidii xal waara looga gaaro, in Goobaha laga xoreeyey kooxaha aragagixisda dadka deggan la gaarsiiyo waxyaabaha nolosha aas-aasiga u ah sida waxbarashada iyo caafimaadka, isku duwidda mashaaricda UN-ta iyo in deeqaha Soomaaliya ay UN-ta qeexdo iyada oo lagu salleenayo Qorshaha Horumarinta Qaranka ee NDP-9.
Ugu dambeyn, Wasiirka Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya Mudane Cabdiraxmaan Sheekh Faarax (Beena-beene) ayaa uga mahad-celiyay Qaramada Midoobay taageerada hufan ee ay la garab taaganyihiin shacabka Soomaaliyeed.
