Madaxweyne ku xigeenka dowlad gobaleedka Soomaaliyeed ee Galmudug Maxamed cabdi Xaashi iyo wafdi uu hogaaminayo oo ay ka mid ahaayeen xubno ka tirsan golaha wasiirada Galmudug iyo saraakiil ka socatay hay’addaha qaramada midoobay ayaa maanta soo gaaray magaalada Gaalkacyo ee xarunta Gobalka mudug.
Wafdigaan ayaa markii ay kasoo dageen garoonka diyaaradaha Oshaca ee magaalada galkacyo waxaa kusoo dhaweeyay masuliyiin ka kala socatay hay’adaha kala duwan ee dowlad gobaleedka Galmudug.
Soo dhaweyn ka dib waxaa warbaahinta ugu horeyn la hadlay duqa dagmada Gaalkacyo Xirsi yuusuf barre oo sheegay in ay aad ugu faraxsan yihiin in magaalada Gaalkacyo ay soo gaaraan wafdi isugu jiray madaxda maamulka iyo saraakiisha hay’addaha gar gaarka qaarkood maadaama ay ka jireen deegaanka dhibaatooyin fara badan oo la xariira dhanka adeegyada bulshada.
Maxamed Xaashi Cabdi madaxweyne ku xigeenka Galmudug ayaa isna dhankiisa faah faahin ka bixiyay ujeedka socdaalka ay ku yimaadeen Gaalkacyo taas oo uu sheegay in ay la xariirto u kuurgalida xaaladaha amniga iyo baahiyada dhanka adeegyada bulshada sidoo kalana maalmaha soo socda ay kulamo arimahaasi looga hadlay kula qaadan doonaan magaalada galkacyo saraakiil ka socata Hay’addaha Qaramada midoobay.
