Xildhibaanada Golaha Shacabka ee Baarlamaanka Jamhuuriyadda Fedaraalka Soomaaliya, ayaa maanta ansixiyay hindise sharciyeedka Dhowrista maal-gashadayaasha iyo maalgashiga, waxaana sharcigan meel marintiisa u codeeyey 145 Xildhibaan, laba Xildhibaan ayaa ka aamustay, mana jirin wax diiday.
Ujeedka kulanka Golaha maanta ayaa ahaa ansixinta hindise sharciyeedka Dhowrista maal-gashadayaasha iyo maalgashiga iyo marsiinta akhrinta 3-aad, u codeynta hindise sharciyeedka Aqoonsiga iyo Diiwaangalinta dadweynaha, sidoo kale ajendaha maanta waxaa ku jirta qeybinta warbixinta akhrinta labaad ee hindise sharciyeedka la dagaalanka argagixisada.
