Xildhibaano iyo wasiiro ka tirsan dowlad goboleedka Galmudug oo safar uga soo amba baxay magaalada Dhuusamareeb ee caasimadda Galmudug ayaa soo gaaray magaalada Gaalkacyo, waxaana duleedka magaalada ku soo dhaweeyay xildhibaano, maaamulka degmada iyo qeybaha kale duwan ee bulshada.
Masuuliyiintaan ayaa ujeedka safaarkoodu ahaa u kuurgalida xaaladda bulshada Galmudug,iyagoo kulamo la qaadan doona shacabka ku sugan magaalada Gaalkacyo.
Duqa degmada Gaalkacyo Xirsi Yuusuf Barre,xildhibaano ka tirsan maamulka Galmudug ayaa magaalada ku soo dhaweyay wafdigaan.
Xildhibaan Axmed C/risaaq (Qamsa) ayaa masuuliyiinta iyo shacabka uga mahadceliyay sida sharafta leh oo ay usoo dhaweeyeen, taageeradana ugu muujiyeen , wuxuuna tilmaamay inay astaan u tahay fahamka dowladnimo ee bulshada degmada Gaalkacyo.
Dhanka kale masuuliyiintan ayaa baaq nabadeed u diray beelo walaal ah oo wada daga degaanada qalaanqale iyo xanan-buure oo uu dagaal dhexmaray sababay dhimashada labo ruux iyo dhawaaca lab lix qof oo shacab ah.
