Xoghayaha guud ee ururka NATO Jens Stoltenberg, ayaa walaac ka muujiyay in dagaalka Ukraine uu faraha ka baxo oo uu noqdo dagaal u dhaxeeya Ruushka iyo xulafada, sidaana uu ku noqda mid dhibaato intaa ka badan geysta.
Jens Stoltenberg, ayaa yiri:”dagaalka Ukraine waxuu isu bedeli karaa dagaal weyn oo u dhexeeya NATO iyo Ruushka, waxaana laga yabaa inuu dhan waliba sameeyo , taana waxaa caddeeyn ugu filan waxa maalin kasta dhacaya.”
Madaxweynaha Ruushka Vladimir Putin, ayaa dhawaan sheegay in rabitaanka reer galbeedka ee ah in ay sii wadaan dagaalada Masraxa ay mas’uul ka tahay khatarta sii kordheysa ee keeni karto in wax kasta ay suurgal noqdaan.
Putin, ayaa yiri: ” Saameeynta ugu balaaran ayaa ah midda ay wadaan reer Galbeedka, kuwaasi oo dagaalka Ukraine isugu geeyay wax kasta oo ay awoodeen sida siyaasaddooda, dhaqaale, mid milatari iyo hub”.
Moscow, ayaa marar badan ku eedeeyo xulafada NATO in ay si firfircoon uga qayb qaadanayaan colaadda taagan, iyaga oo siinaya Ukraine hub, dhaqaale kala duwan, tababarro ciidan iyo u gacan galinta xogta milatari si ay u weeriiqaan awoodda ciidamada Ruushka.
