Kulanka furitaanka ee tartanka kubadsa Cagta ee Dowlad Goboleedyada iyo Gobalka Banaadir ayaa waxaa galabta lagu daah-furay Xulalka Kubadda Cagta ee Galmudug iyo Hirshabelle.
Cayaarta oo ka dhacday Tuulada cayaaraha ee Stadium Muqdisho ayaa waxa u soo daawasho tegay dad weyne aad u fara badan oo ka kala yimid degmooyinka Gobalka Banaadir iyo deegaannada ku xeeran.
Labada Xul ayaa soo bandhigay cayaar aad u xiiso badan oo ay aad ugu riyaaqeen taageerayaasha cayaarta u soo daawasho tegay, taasi oo ahayd kubad ku dhisan weerar iyo weerar celis; waxaana guud ahaan cayaarta ay ku soo idlaatay bar bar dhac 1-1 oo ay ku kala baxeen cayaartooyda Galmudug iyo Hirshabelle.
