Xulkeena Qaranka Soomaaliya ayaa 1-0 kaga adkaaday dhigooda dalka Burundi kulan ka tirsan tartanka bariga iyo bartamaha Cecafa Senior Challange Cup.
Cayaarta oo ahayd mid weerar iyo weerar celis ayaa cayaartoyda Xulka Qaranka waxa ay soo bandhigeen cayaar aad loo jecleystay, taasi oo ay aad ugu riyaaqeen dhamaan taageerayaasha Soomaaliyeed ee kala yimid qaar ka mid ah Dalalka Qaaradda Afrika iyo Ameerika.
Qeybtii hore cayaarta ayaa lagu kala nastay 1-0 oo ay ku hogaamineysay Soomaaliya, 
Cayaartooyda ayaa sidoo kale qeybtii labaad ee cayaarta markii la isku soo noqday waxa ay soo bandhigeen dar dar xoogan, waxaana ugu dambeyn ay cayaarta ku soo idlaatay 1-0 oo ay guusha ku raacday Xulka Qaranka Soomaaliya
Xiddigaha Ocean Stars oo intooda badan laga keenay dalka dibaddiisa, halka afar cayaartoy laga waday horyaalka Somali Premier League, ayaa muujineysa in sanadkan xulka si aad ah loo adkeyay.
Soomaaliya waxa ay haatan heysataa 4 dhibcood, saddex kulan oo ay cayaartay, waxaana ay u baahantahay inay guul ka gaarto kulanka ay la cayaarayaan dhigooda dalka Eritrea.
