Munaasabadan oo lagu xusayay sanadguudii 38 ee kasoo wareegatay markii ay xornimada qaadatay dowlada Jabuuti 27-kii June ee sanadkii 1977 oo ay soo qaban qaabiyeen saraakiisha ciidamada Jabuuti ee key sugan gobolka Hiiraan ayaa ka qeyb galay maamulka gobolka Hiiraan iyo qeeybaha kala duwaan ee bulshada key nool baladweyne
Boqolaal ka tirsan ciidamada dowlada Jabuuti ayaa goobka key soo bandhigay socod iyo gaado ka cayaar ay ka heleen mas’uuliyiinti ka soo qeybgalay munaasabada.
Kornayl Cismaan Dubad Taliyaha ciidamada AMISOM ee Hiil-walaal ayaa sheegay in xornimada shacabka Jabuuti ay ku nool yihiin ay qeyb weyn ka qaateen shacabka Soomaaliyeed.
“Runtii waan hambalyeeynaynaa shacabka Jabuuti meelkasto oo ay joogaan, sidoo kale shacabka Soomaaliyeed oo aan laga laheen xoriyadaas, isla markaana sababay unasoo halgamay, marka caawa si guud ahaaneed ayaan ula wadaageynaa shacabka Jabuuti iyo shacabka Soomaliyeed, hambalyo ayaan leeyahay” ayuu yiri Taliyaha.
Guddoomiyaha maamulka gobolka Hiiraan Cabdifitaah Xasan Afrax ayaa sheegay in munaasabada 38aad xoriyadda Jabuuti si weyn looga xusi doono gobolka Hiiraan, waxaana dhinaca kale uu sheegay in amaanka wax badan laga qaban doono
“Dadbaa ku fekarayo in ay baladweyne wax ka dhacaan Todobaadka xoriyada laakiin hadaan acanta isqabsano ma wax baa ka dhici karo, magaaladan waan isnaqaanaa reer Beladweyne maalin cad ayaa xuseyna maalinta xornimada Jabuuti, ninkii doonayo in uu nagu dilo magac ayaa key yeelaneynaa wax dhibaataa oo kale malahan” ayuu yiri Guddoomiyaha Gobolka Hiiraan.
27-kii Juun sanadkii 1977-kii ayay ahayd markii Jamhuuriyadda Jabuuti ay xornimada ka qaateen Gumeystihii Faransiiska, oo hadda laga joogo 38 sano.
By Cabdi-shakuur
