Taliyaha Ciidamada Xoogga ee Bariga Galguduud Col Axmed Tareedisho. ayaa sheegay in ciidamo ka tiesan meleteriga oo qaba tababar gaar ah ay hawlgal qorshaysan ka fuliyeen deegaanka massagawaay ee Gobalka Galgaduud.
Col. Tree disho ayaa sheegay in howlgalka lagu dilay 7 ka mid ahaa maleeshiyaadka Shabaab, sideed kalana lagu dhaawacay, wuxuuna intaasi ku daray in ciidamadu ay halkaasi ka soo furteen hub iyo saanad ciidan oo ay lahaayeen maleeshiyaadka la dilay..
“Saldhig ay al-shabaab lahaayeen oo ku yaalla Deegaanka Masago-waay ayaan weerarnay, Saldhigga waan burburinay, waxaan halkaas ku dilnay 7 ka tirsan kooxda alshabaab 8 kalana waan ka dhaawacnay hubkoodiina waan soo furanay” ayuu yiri Col Tareedisho.
Taliyaha ayaa intaa ku daray in uu halkaas si dirqi ah uga baxsaday Horjoogihii maleeshiyadaas oo lagu naaneyso Adkaar, kaas oo mas’uul ka ahaa dilalka Dad shacab ah oo dhawan ay laayeen maleeshiyaadka Shabaab.
Howlgalkan ayaa qeyb ka ah qorshayaasha la doonayo in maleeshiyaadka Shabaab looga xoreeyo dhamaan deegaannada dhaca bariga Galgaduud.
