Ciidamada ammaanka dowladda Federaalka Soomaaliya ayaa gacanta ku dhigay badeecado dhacay oo u rarnaa ganacsato Soomaaliyeed, taasoo la doonayay in lagu iibiyo suuqyada Muqdisho.
Sarkaal ka tirsan Ciidanka Dekedda Muqdisho,ayaa SONNA u sheegay inay badeecadan oo isugu jirtay Buskut,Nacnac,iyo Dawooyin waqtigii isticmaalka dhaafay, ay xabsiga u taxaabeen raggii watay.
Related posts
Wasiirka wasaaradda Ganacsiga iyo wershedaha dowladda federaalka Soomaaliya, Eng;C/rashiid Maxamed Axmed oo halkaasi saxaafadda kula hadlay ayaa sheegay in ganacsatada qaar ay mar mar dalka soo geliyaan badeecoyin dhacday,wuxuuna arrintaasi ku tilmaamay fal dambiyeed laga galay bulshada.
Wasiirka,ayaa ku boorriyay ganacsatada qaar inay sharuucda dalka ilaaliyaan, dowladdana kala shaqeeyaan koontaroolka badeecadaha ay dalka soo gelinayaan, isagoo ganacsatada qaar ku ammaanay iney u hogaansanyihiin shuruucda dowladda ayana keenaan badeecaddo tayo leh.
โGanacsatada Soomaaliyeed waxaan ka codsaneynaa in ay gacan nagu siiyaan in aan isla ilaalino tayada badeecadaha dalka soo galayaย iyo kuwa ka dhoofaya taana waxaa fure u ah in aanu wada xoojinno hayโadda qaabbilsan koontaroolka tayada badeecooyinka ee BGMโayuu yiri wasiirka .
Xeer ilaaliyaha guud ee qaranka Dr; Axmed Cali Daahirย ayaa amray in la ciqaabo dadka ku howlan ka ganacsiga badeecooyinka dhacay,kuwaasoo ay ku jiraan ragga maanta soo dejiyay badeecadaha dhacday.
โHayโadaha sharciga waxan farayaa cid kasta oo ku lug yeelata faldambiyeedyada noocan ah, kii soo dejiyay iyo intii kala qayb qaadatay dhamaantood waa dambiilayaalย waana in sharciga la horkeenaa โayuu yiri xeer ilaaliyaha guud ee Qaranka Dr. Axmed Cali Daahir.
