Kulan lagu dhiira gelinaayey ololaha dadka Shacabka ah ee isu xilqaamay la dagaalanka Kooxda Al-shabaab isla markaana loogu duceynaayey dadkii ku dhintay Dagaalkii ay la galeen Maleeshiyaadka Al-shabaab ayaa lagu qabtay Magaalada Muqdisho.
Kulanka oo ay kasoo qeyb galeen Waxgarad iyo aqoonyahano ayaa loogu duceeyey dadkii ku dhintay dagaalkii ay la galeen kooxda Alshabaab, waxaa sidoo kale isbarbar taag iyo taageero loogu muujiyey dadka Soomaaliyeed ee isu xilqaamay la dagaalanka kooxda arxanka daran ee Al-shabaab.
Related posts
Wax garadka ka hadlay kulanka ayaa ku nuuxnuuxsaday Muhiimada ay leedahay in ay shacabka ku baraarugaan qatarta iyo dhibaatooyinka Maleeshiyaadka Kooxda Arxanka Daran ee Al-shabaab iyagoo balan qaaday in ay isgarab taagi doonaan dadka isu xilqaamay in ay iska dulqaadaan dulmiga iyo dhibaatooyinka Kooxda Al-shabaab.
Shacabka Soomaaliyeed ayaa u muuqda kuwa si wanaagsan ugu baraarugay Dhibaatooyinka ay ummadda u geystaan kooxda naxariista daran ee Al-shabaab , ayagoo bilaaway in ay isu xilqaamaan la dagaalanka Maleeshiyaadka Al-shabaab si ay iskaga xureeyaan dulmiga kooxda Al-shabaab.
