Ciidamada badda Ruushka ayaa iska caabbiyay weerar loo adeegsaday diyaaradaha aan duuliye lahayn, kaasi oo maanta oo Arbaca ah lagu qaaday markab ay leeyahiin oo ku sugnaa dekedda Sevastopol ee jasiiradda Crimea, sida uu sheegay guddoomiyaha magaalada Kremlin.
Madaxweynaha Ruushka Vladimir Putin, ayaa booqasho lama filaan ah ku tagay gobolka Crimea Sabtidii lasoo dhaafay, markaasoo taleefishinka dowladda Ruushka uu soo bandhigay muuqaalkiisa isagoo ku sugan magaalada xeebta ah ee Sevastopol.
Jasiiraddan oo uu Ruushku ka qabsaday dalka Ukrain sannadkii 2014-kii, ayaa noqotay xarunta ugu weyn ee Ciidamada Badda Ruushka ay ku leeyahiin Badda Madow.
Tan iyo markii uu billowday dagaalka Ukraine iyo Ruushka, Jasiiraddan waxay aheed halkii ugu badneed ee Diyaaradaha Ciidamada Ruushka ay ka geysteen duqeymahii ugu badnaa.
Ciidamada Ruushka ayaa xaqiijiyay in aysan jirin waxyeello ka soo gaartay weerarkan saakay lagu soo qaaday mid kamid ah Markiibtooda dagaalka.
