Ciidamada la dagaalanka argagixisada iyo difaaca Puntland ayaa heegan la geliyay kaddib markii koox sheegatay iney ka tirsantahay malayshiyadka Daacish ee ka dagaalanta Ciraaq iyo Suuriya ay la wareegeen degmada Qandala ee gobolka Bari.
Ciidamadan oo ku jira u diyaar garowgii ugu dambeeyay ee bilow u noqonaya weeraro toosa oo lagu qaado malayshiyadka Daacish ee ku sugan Qandala ayaa doonaya inay gacanta Puntland ku soo celiyaan magaalada Qanda.
Related posts
Hawlagalladan lagu qaadayo argagixisada Daacish ayaa ah kuwii ugu balaarnaa oo Puntland ay ku qaadayso maleeshiyadka Daacish ee ku sugan deegaanno ka tirsan bariga Puntland .
Madaxweynaha maamulka Puntland Cabdiweli Maxamed Cali gaas oo shalay soo gaaray Boosaaso ayaa wariyayaasha u sheegay in Puntland ay weerari doonto maleeshiyada Daacish ee Qandala ku sugan.
Madaxweyne Gaas ayaa sidoo kale sheegay inaan Daacish haysan karin magaalada Qandala haysana doonin isagoo xusay in ciidamada puntland ay muddo kooban ku qaadanayso ka sifaynta Qandala malayshiyada Daacish.
Malayshida Dacish ayaaΒ duqaymoΒ ka yimid dhanka badda loogu geystay goobaha ay uga sugan yihiin Qandal kuwas oo aan weli la ogayn khasaaraha ka dhashay, Deegaannada ka agdhow magaalada Qandala ayaa laga dareemayaa dhaqdhaqaaq ciidan oo ay wadaan ciidamada la dagaalanka argagixisada dowlad goboleedka Puntland.
Dadkii Qandala ka soo barakacay oo qaarkood soo gaareen magaalada Boosaaso ayaa dib u dejin loo sameeyey halka kuwii kalena ay gaareen deegaano ay ka midyihiin beexaani iyo buruc, Β kuwaas oo dhowaan dowlad goboleedka Puntland ay gaarsiiyeen deeq ka kooban baahiyaha asaasiga ah ee aadanaha maamulka degmada Qandala ayaa sheegay in xaalad degenaansho ay ka jirto magaalada Qandal iyadoo ay aad u wanaagsan xaaladda Qoysaskii ka soo barkacayna magaaladaasi.
Ciidamada Difaaca dowlada goboleedka puntland ayaa diyaargarow ugu jira sidii ay uqaadi lahaayeen weeraro ka dhana maleeshidayadka Daacish ee dhowaan la wareegtay gacan ku haynta degmada Qandala ee gobolka Bari.
