Shir looga hadlayay Hormarinta Ganacsiga Afrika iyo Maleesiya oo lagu qabtay Magaalada Kual Lampur ayaa lagu
soo bandhigay fikrado muhiim u ah kor u qaadista ganasiga u dhexeeya dalalka Qaaradda Afrika iyo dalka Maleesiya.
Shirka oo qabanqaabadiisa uu door wanaagsan ku lahaa Danjiraha Soomaaliya u fadhiya dalka Maleeshiyada Amb Abuukar Cabdi Cismaan Mardaadi waxaa Soomaaliya uga qeybgalay wafdi ballaaran oo isugu jira Mas’uuliyiin ka tirsan dowladda Fedaraalka, Shirkado iyo Ganacsato Soomaaliyeed oo xaruntoodu tahay dalka Maleesiya.
Shirka ayaa la isku afgartay in muddo labo bil ah gudaheed lagu diyaariyo Istiraariijayadda Hormarinta Ganacsiga Maleesiya iyo Afrika ee 5ta sano ee soo socota, waxaana Soomaaliya ka ciyaari doontaa dowr wanaagsan.
Danjiraha Soomaaliya ee Dalka Maleesiya Amb Abuukar Cabdi Cismaan Mardaadi, ayaa Shirka ka sheegay in dowladda Soomaaliya ay ka go’antahay inay xoojiso xiriirkii ganacsi oo ay la laheyd Malaysia isagoo ballan qaaday in wixii manta ka dambeeya xiriir wanaagsan yeelan donaan labada dal ee Soomaaliya iyo Maleesiya.
