Dilka dadka aan waxba galabsani waa dambi weyn, dadka muslimka ahina kumaba sii jiraan.
Shareecada islaamku si weyn ayay diidday daadinta dhiigga dadka aan waxba galabsan nooc kasta oo ay ahaadaan,waxa uuna eebbe weyne cadaab adag iyo caro ugu gooddiyay qofkii ama ciddii qof ama dad muslim ah kas iyo gardarro u disha.
Nasiib darrada ugu weyni waxay tahay in amarradaas rabbaaniga ah ku tumanayaan dad ku andocoonaya in ay diinta u khidmeynayaan, kuwaas oo maalin walba daadinaya dhiig muslim oo xasuuqaya biri-ma geydo aan waxba galabsan.
Shareecada Islaamku maxay ka qabtaa dilka biri-ma geydada? Waa mowduuca uu ku saabsan yahay barnaamijka Tubta Toosan, waxaa nagala qeyb gelaya Sheikh Maxamed Cabdullaahi Maxamed oo ka mid ah culimada Soomaaliyeed.
