Dood cilmiyeed looga hadlayay ka hortagga gaboodfallada iyo tacaddiyada loo geysto dadka jilicsan gaar ahaan haweenka iyo caruurta ayaa maanta lagu qabtay magaalada Muqdisho.
Dood cilmiyeedka oo labo maalin ka socday magaalada Muqdisho ayaa waxaa loo qabtay qaar ka mid ah culimaa’udiinka Soomaaliyeed waxaana looga dooday sidii bulshada looga wacyi galin lahaa ka hortaga tacadiyada ka dhanka ah haweenka iyo caruurta , ayadoo culimadu ay sheegeen in diinta Islaamku aysan oggoleyn in lagu xadgudbo dadka, gaar ahaan kuwa nugul sida haweenka iyo carruurta.
Qadiijo Cabdilaahi oo ka mid ah mas,uuliyiinta hay’adda CISPO oo soo qabanqaabisay kulankan ayaa sheegtay in kulanku uu qayb ka yahay barnaamijyo wacyigalin ah oo ay la kaashanayaan hay’adda UNICEF.
“Barnaamijkaan waa barnaamij loogu tala galay in culimaa’udiinka Soomaaliya gaar ahaa kuwa degmooyinka Boondheere iyo Yaaqshiid kaas oo loogu talo galay in kor loo sii qaado wacyigalinta bulshada loo sameynaayo oo looga soo horjeeedo tacadiyada galmada tacadiyada ku dhaca dumarka caruurta iyo duqowda barnaamijkaani waa mid labo bari noo socday”ayay tiri Khadiijo.
Qaar ka mid ah culimada diinta Islaamka ee ka qayb galay dood cilmiyeedkaas ayaa waxaa ay ka hadleeen muhiimada iyo qaabka ay tahay in bulshada loogu baraarujiyo in la dhowro haweenka iyo caruurta .
Sidoo kale Sheekh Maxamed Macalin Xuseen ayaa ka hadlay sida ay waajib u tahay in la dhowro karaamada dadka iyo muhiimadda ay diintu siisay.
“Siminaarka aan qaadanay maanta iyo daraad labada maalmood muhiimada uu leeyahay waxyaabaha ugu waaweyn waxaa ka mid ahaa in karaamada bini aadamka la dhowro waxaana la isku dar daarmay in shareecada islaamka lagu dhaqmo dadka aan lagu xadgudbin”ayuu yiri Sheikh Maxamed .
Sidoo kale Sheekh Cali Yuusuf oo ka mid ah culimadii ka qeyb gashay siminaarkan ayaa sheegay in dadku aysan fahansanayn waxa ay diintu ka qabto tacadiyada ay u geysanayaan gabdhaha Soomaaliyeed.
“Waxyaabaha dadka hadda aan ka wacyi galinay oo aan u sheeegnay inaaney diinta raali ka ahayn waxaa ka mid ah sida gudniinka fircooniga ah gabdhaha jirkooda la iskaga dheelayo awood ay iskaga celiyaana aan lahayn oo si aan sharciga waafaqsaneyn la iskaga isticmaalayo”ayuu yiri Sheikh Cali.
